Skilmálar

1. Almennt og upplýsingar um seljanda

Skilmálar þessir gilda um öll kaup á vörum í vefverslun AG Ilmvatn. Seljandi er AG vörur ehf., kt. 620725-1450, Krummahólar 6, 111 Reykjavík, netfang agvorur@gmail.com, VSK-númer 162111.

Með því að ganga frá pöntun staðfestir kaupandi að hafa lesið skilmálana og samþykkt þá. Skilmálarnir eru í samræmi við lög nr. 16/2016 um neytendasamninga, lög nr. 48/2003 um neytendakaup og lög nr. 30/2002 um rafræn viðskipti og aðra rafræna þjónustu.

Ef ósamræmi er á milli íslensku og ensku útgáfu skilmálanna gildir íslenska útgáfan.

2. Vörurnar

AG Ilmvatn er sjálfstætt vörumerki í eigu AG vara ehf. Allar vörur sem seldar eru undir merkinu AG Ilmvatn eru eigin vörur AG vara ehf., framleiddar á Spáni af sjálfstæðum framleiðanda fyrir AG vörur ehf. og seldar í umbúðum og undir nafni AG Ilmvatn.

Hver ilmur er auðkenndur með eigin númeri (t.d. No. 228). Ilmirnir eru extrait de parfum og seldir í 30 ml flöskum. Innihaldsefni (INCI) hvers ilms eru birt á vörusíðu hans.

Myndir á vefnum eru til skýringar. Litur vökva, umbúðir og útlit geta verið örlítið frábrugðin myndum.

3. Ilmprófílar og vörumerki annarra

Á vörusíðum kemur fram að ilmur sé „í anda“ tiltekins ilms frá öðru ilmhúsi. Sú tilvísun er eingöngu lýsing á ilmprófíl, þ.e. þeirri ilmfjölskyldu og þeim nótum sem ilmurinn byggir á, svo kaupandi geti áttað sig á hvers konar ilm um ræðir. Tilvísunin er sett fram í góðri trú og byggir á opinberum lýsingum á nótum viðkomandi ilms.

AG Ilmvatn og AG vörur ehf. tengjast ekki á nokkurn hátt þeim ilmhúsum eða vörumerkjum sem nefnd eru á vefnum. Þau hafa hvorki framleitt, samþykkt, styrkt né mælt með vörum AG Ilmvatn.

Vörur AG Ilmvatn eru ekki vörur þessara ilmhúsa og eru hvorki seldar sem þeirra vörur né í stað þeirra. Nafnið AG Ilmvatn, númerakerfi ilmanna, flaskan, miðinn og umbúðirnar eru eigin hönnun AG vara ehf. og frábrugðin umbúðum og útliti þeirra ilma sem vísað er til.

AG vörur ehf. heldur því ekki fram að ilmir AG Ilmvatn séu eins og þeir ilmir sem vísað er til. Ilmur byggir á sambærilegum nótum en samsetning, styrkleiki, ending og þróun á húð geta verið frábrugðin. Upplifun af ilmi er einnig persónubundin og fer eftir húð, hitastigi og öðrum aðstæðum.

Öll vörumerki, vöruheiti og nöfn ilmhúsa sem nefnd eru á vefnum eru eign viðkomandi eigenda og eru eingöngu notuð í lýsandi tilgangi. Engin þeirra eru notuð sem heiti, merki eða auðkenni á vörum AG Ilmvatn.

Með kaupum staðfestir kaupandi að hann sé að kaupa vöru AG Ilmvatn, ekki vöru annars ilmhúss, og að honum sé ljóst að tilvísun í annan ilm er eingöngu lýsing á ilmprófíl.

Rétthafar sem telja að tilvísun á vefnum brjóti gegn rétti sínum geta haft samband á agvorur@gmail.com. AG vörur ehf. mun skoða erindið og fjarlægja tilvísunina án tafar ef ástæða er til.

4. Verð og greiðsla

Öll verð eru í íslenskum krónum (ISK) og innihalda 24% virðisaukaskatt. Verð á einni flösku er 3.990 kr. Þegar keyptar eru þrjár flöskur, óháð ilmi, er verðið 9.990 kr. fyrir þrjár. Tilboðið reiknast sjálfkrafa í körfunni.

AG vörur ehf. áskilur sér rétt til að breyta verði og tilboðum án fyrirvara. Verð sem gildir er það verð sem kemur fram þegar pöntun er staðfest. Ef rangt verð birtist á vefnum vegna augljósrar villu áskilur AG vörur ehf. sér rétt til að hætta við pöntun og endurgreiða kaupanda að fullu.

Greitt er með greiðslukorti við pöntun á öruggri greiðslusíðu Straums greiðslumiðlunar hf. Kortaupplýsingar eru meðhöndlaðar af Straumi og AG vörur ehf. hefur ekki aðgang að þeim.

5. Pöntun og staðfesting

Kaupsamningur kemst á þegar greiðsla hefur borist og kaupandi hefur fengið staðfestingu á pöntun í tölvupósti. Kaupandi ber ábyrgð á að upplýsingar sem hann gefur upp, svo sem nafn, netfang, heimilisfang og símanúmer, séu réttar.

Spurningum er svarað á Instagram (@agilmvatn) og í tölvupósti á agvorur@gmail.com.

Ef vara reynist ekki til á lager eftir að pöntun hefur verið gerð hefur AG vörur ehf. samband við kaupanda og býður annan ilm eða fulla endurgreiðslu.

6. Afhending

Pantanir eru sendar með Dropp, að jafnaði innan 1–3 virkra daga frá staðfestingu pöntunar. Kaupandi getur valið afhendingu á Dropp afhendingarstað eða heimsendingu.

Kaupandi greiðir afhendingargjald samkvæmt verðskrá Dropp: á afhendingarstað 890 kr. á höfuðborgarsvæðinu og 1.090 kr. annars staðar á landinu; heimsending 1.410 kr. á höfuðborgarsvæðinu og 1.790 kr. til Akraness, Eyrarbakka, Hveragerðis, Selfoss, Stokkseyrar, Reykjanesbæjar og Þorlákshafnar. Heimsending er ekki í boði á öðrum stöðum.

Dropp lætur kaupanda vita með SMS eða tölvupósti þegar sending er tilbúin til afhendingar.

Einnig er hægt að sækja pantanir í Kolaportið, Tryggvagötu 19, 101 Reykjavík, þær helgar sem AG Ilmvatn er þar. Þá er ekkert afhendingargjald.

Áhætta á vöru flyst til kaupanda þegar hún hefur verið afhent honum. Ef afhending tefst lætur AG vörur ehf. kaupanda vita eins fljótt og auðið er.

7. Réttur til að falla frá kaupum

Kaupandi hefur 14 daga frá móttöku vöru til að falla frá kaupum án þess að tilgreina ástæðu, sbr. lög nr. 16/2016 um neytendasamninga. Tilkynning um að fallið sé frá kaupum skal send á agvorur@gmail.com.

Af heilsuverndar- og hreinlætisástæðum er ekki hægt að falla frá kaupum á ilmvatni ef innsigli eða umbúðir hafa verið rofin eftir afhendingu. Vara sem skilað er skal vera óopnuð, ónotuð og í upprunalegum umbúðum.

Kaupandi ber kostnað af endursendingu vöru. AG vörur ehf. endurgreiðir kaupverð, ásamt upphaflegu afhendingargjaldi, innan 14 daga frá því að tilkynning berst. Heimilt er að halda eftir endurgreiðslu þar til varan hefur borist aftur.

8. Gallar og kvartanir

Ef vara er gölluð eða skemmd við afhendingu, eða kaupandi fær ranga vöru, skal hann tilkynna það á agvorur@gmail.com eins fljótt og auðið er, helst með mynd. Kaupandi á þá rétt á nýrri vöru eða endurgreiðslu, og AG vörur ehf. ber allan sendingarkostnað.

Um galla gilda að öðru leyti ákvæði laga nr. 48/2003 um neytendakaup. Kvörtunarfrestur er tvö ár frá afhendingu. Það telst ekki galli þótt ilmur sé upplifaður á annan hátt en kaupandi bjóst við, sbr. 3. kafla.

9. Notkun og öryggi

Vörurnar eru eldfimar og eingöngu ætlaðar til notkunar útvortis. Forðist snertingu við augu. Ef vökvinn fer í augu skal skola strax vel með vatni. Geymist þar sem börn ná ekki til og fjarri beinu sólarljósi og hita.

Ilmvötn innihalda ilmefni sem geta valdið ofnæmi hjá sumum einstaklingum. Innihaldsefni eru birt á hverri vörusíðu. Kaupanda er ráðlagt að kynna sér þau og prófa ilminn á litlu svæði á húð fyrir fyrstu notkun. Komi fram erting skal hætta notkun.

Allir ilmir AG Ilmvatn eru tilkynntir í snyrtivörugátt Evrópusambandsins (CPNP) í samræmi við reglugerð (EB) nr. 1223/2009 um snyrtivörur, sem gildir á Evrópska efnahagssvæðinu.

10. Ábyrgð

AG vörur ehf. ber ekki ábyrgð á tjóni sem rekja má til notkunar vöru í andstöðu við leiðbeiningar, né á óbeinu tjóni, að því marki sem lög leyfa. Ekkert í skilmálum þessum takmarkar rétt neytenda samkvæmt ófrávíkjanlegum ákvæðum laga.

AG vörur ehf. ber ekki ábyrgð á töfum eða vanefndum sem stafa af atvikum sem það ræður ekki við (force majeure), svo sem náttúruhamförum, verkföllum eða truflunum hjá flutningsaðilum.

11. Hugverkaréttindi

Nafnið AG Ilmvatn, merki, umbúðahönnun, ljósmyndir, textar og annað efni á vefnum er eign AG vara ehf. Óheimilt er að afrita, dreifa eða nota efnið án skriflegs leyfis.

12. Persónuvernd

AG vörur ehf. vinnur aðeins með þær persónuupplýsingar sem nauðsynlegar eru til að afgreiða og afhenda pantanir, svo sem nafn, heimilisfang, netfang og símanúmer, í samræmi við lög nr. 90/2018 um persónuvernd og vinnslu persónuupplýsinga.

Upplýsingarnar eru ekki seldar eða afhentar þriðja aðila nema greiðsluþjónustuaðila og flutningsaðila, að því marki sem þörf er á til að ljúka pöntun. Kaupandi getur óskað eftir aðgangi að upplýsingum sínum eða að þeim verði eytt með því að senda póst á agvorur@gmail.com.

Greiðslur fara um Straum greiðslumiðlun hf. og sendingar um Dropp, sem fá aðeins þær upplýsingar sem þarf til að ljúka greiðslu og afhendingu.

Vefurinn notar ekki vafrakökur til greininga eða auglýsinga. Í vafranum eru aðeins vistaðar upplýsingar sem eru nauðsynlegar til að vefurinn virki: innihald körfunnar og valið tungumál. Þær eru ekki sendar til AG vara ehf. eða annarra.

13. Breytingar, lög og varnarþing

AG vörur ehf. getur breytt skilmálum þessum. Um hverja pöntun gilda þeir skilmálar sem í gildi voru þegar hún var gerð.

Um skilmála þessa gilda íslensk lög. Ágreining skal reyna að leysa með samkomulagi. Neytandi getur einnig leitað til kærunefndar vöru- og þjónustukaupa. Náist ekki samkomulag skal reka mál fyrir Héraðsdómi Reykjavíkur.